الشوفان 🙅🏻 ( Oats )
انا اتهريت اسئله من نوع استخدم الشوفان عشان اخس واستخدمه عشان ازيد .
يؤسفني اقولكم ان مفيش كل الكلام ده 🙄
وان الشوفان مش سحر زي مانتم مفكرين ، الشوفان شئ عادي زي اي حاجه خالقها ربنا .
ف اول حاجه هتكلم عنها مكونات الشوفان .
هو حبوب كامله ، فيه حجات كتير مفيده زي الڤيتامينات والمعادن والالياف ومضادات الأكسدة .
مثلا مضادات الأكسدة زي ( Avenanthramids ) : ده بيساعد انه ينزل ضغط الدم وبرضه ليه تاثير ضد الالتهابات .
مثلا الالياف زي ( Beta-Glucan ) : دي بتقلل مستوي السكر ف الدم وبرضه بتساعد انها تقلل الكوليسترول الضار في الدم .
_______
الشوفان يا جماعه شئ صحي زيه زي اي حاجه فيها الياف وحديد ومعادن مهمه ، الي مخليه عامل للناس سحر انه بيعمل شبع فقط لا غير .
انما لنفترض اننا هنبص مثلا لمكونات الشوفان ده وعدد سعراته
عدد السعرات الموجوده ف ١٠٠ جم شوفان 304 cal.
ده عدد مهول بالنسبه لشخص عايز يخس وماشي علي عدد سعرات محدد صح ؟!
المفروض حضرتك عايز تخس تفهم ان ده اكل برضه عادي مش تقعد تاكل منه وف الاخر ترجع تقول انا بتخن ليه؟
في حاجه اسمها نحسب سعراتنا ، يعني انا هاخده ف وجبه الفطار عشان يديني شبع اكبر قدر ممكن ف كده احسب سعرات الفطار واقلل الحاجات الي حواليه لانه اصلا كفايه .
جواه ١٦ جرام بروتين ف ١٠٠جم
٧٢ جرام كارب ف ١٠٠جم
١٠ جرام دهون ف ١٠٠ جم
وكل النسب دي تقريبيه يا جماعه مفيش مكان اتفق ع نسبه محدده .
في حاجات كتير جواه بس اعتقد دي اكتر حاجات بنبصلها يعني .
ولو اخدته قبل التمرين عشان تاخد باور ده شئ كويس برضه .
بنسبه للناس بتاعت الضخامه العضليه ، هتاخدوا الشوفان وهتاخدوا الحاجات الي حواليه عاليه السعرات .
ولتسهيل الامور ، دي وجبه للناس الي عايزه تخس والناس الي عايزه تضخم .
نزول الوزن : شوفان + لبن خالي الدسم وضيف الفاكهه الي تحبها وممكن تحط سكر دايت
زياده الوزن : شوفان + لبن كامل الدسم + مكسرات + فاكهه
ليست هناك تعليقات:
إرسال تعليق