نا بتمرن صح يا كوتش ، بس فجاه بلاقي عندي اصابه معرفش جاتلي منين ؟ من فتره قريبه كان فيه كوميك عن * بتمرن رجل ف الاقي كتفي اتصاب * هو الموضوع ع قد م هو مضحك ف هو حقيقي .
انت بتتمرن بشكل صح * او زي مانت مفكر * بس في حجات معينه بتتساب ف النص دي بتحمينا من خطر الاصابه وف المقال ده انا هتكلم عن اكتر الاساليب امان ف التمرين سواء كان للناس المبتدأة او المتقدمة .
هكتب خطوات التمرين ..
1- Warm up (general , specific)
ببقي واقفه ف الجيم والاقي حد فورمه كده دخل شال حديد من غير اي نوع من التسخين وبعد فتره زي م بتوقع الاقيه انقطع من الجيم ف بعد ميرجع يسالني ، انا بتمرن صح ، ليه بيحصلي اصابع يا كوتش ؟
ده بسبب ان خطوة من الخطوات المهمه بتتساب وهي التسخين ، يعني انت بتقول لجسمك يلا اصحي انت داخل علي مجهود .
والتسخين نوعين :
general ..
وده بيكون جري او نط حبل او سويدي او ايا كانت طريقتك ف التسخين
specific ..
وده بيبقي تابع للتمرينه بتاعتك ، يعني هتتمرن رجل مثلا ؟ يبقي تسخن ببار فاضي اسكوات وهكذا يعني ف اي تمرينه تانيه .
2- Stretching
والخطوه دي فعلا مهمه والاطالات للعضلات مهمه ، ولازم قبل التمرين تعمل dynamic , عشان تساعدك علي التمرين بشكل صحيح منعا لاي اصابه ، والسترتشات المتحركه هتلاقي ليها اشكال ياما علي النت .
3 - Balance , Agility
الخطوة دي مش مهمه اوي لكل الناس ، لكن انا لما بيجيلي client ، المفروض بعمله ميل شيت ف بقيسله كل حاجه منهم التوازن وال mobility , coordination , ف مثلا لو الشخص طلع عنده خلل ف حاجه فيهم المفروض دوري ك مدرب اني ادخلها ف البرنامج بتاعه ، كذلك لو عندك خلل ف اي جزء من دول لازم تدخله البرنامج بتاعك.
( في خطوتين مهمين للناس المتقدمه وهما plyometrics , explosive training ) ودول هتكلم عنهم ف بوست كامل لوحدهم.
4- Strength , endurance
ودي خطوة الحديد سواء بقي كان هدفك تضخيم او زياده تحمل جهاز دوري تنفسي او حتي زياده قوه او ايا كان هدفك ف حطه ف الخطوة دي .
5- Cool down
وده بينقسم لخطوتين
الخطوة الاولي هو light training
يعني مثلا لو بتلعب كارديو وده غالبا الناس بتنهي بيه التمرين ف تقلل ف السرعه بالتدريج
او لو بتلعب حديد ف انا انصحك تقوم تفك جسمك باي نشاط وبرضه تنهيه بالتدريج .
تاني خطوة Stretching و ف الخطوة دي هتبقي static
عشان نوع الاسترتشات ده بيعمل relaxing للجسم .
ليست هناك تعليقات:
إرسال تعليق