الأوزان الحرة أم الأجهزة أيهما أفضل؟

 توجد اسئله دايما من نوع ايه احسن يا كوتش الجهاز ولا البار الحر ؟ 

طب ايه الفرق بين الدامبل والبار ؟

اولا كده مفيش حاجه احسن من حاجه ، كل حاجه ليها استخدامها ومميزاتها وليها عيوبها

يعني الجهاز من مميزاته انه بيبقي فيه safety , ف لو شخص مبتدأ مش هقلق عليه من الاصابه زي م هقلق عليه لو ماسك دمبل لوحده مثلا ، وفي عيب او انا شايفاه ميزه برضه وهي ان الجهاز المدي الحركي بتاعه متحدد يعني اتجاه رايح واتجاه راجع انت هتتقيد باتجاه الجهاز وده برضه ممكن يفادينا من اصابات بس مش هيعجب الناس الي بتشرح او بتبرز عضل وهتحاول تجيب زوايا دول بقي اللعب الحر ليهم هيبقي افضل.

اللعب الحر سواء بالبار او الدمبل ميزته ان مداه الحركي واسع يعني براحتك معاه ممكن تمسك بار او دمبلين تمرن نفسك بيهم وتمرن جسمك كله بكل عضلاتك ، ممكن اصلا تخترع تمارين جديده ، وقد يكون مداه الحركي ده عيب ، لان لو حد شايل وزن تقيل ومعرفش يتحكم فيه وهو بيتمرن كده شكرا بقت اصابه ،، اللعب الحر بيفيد اوي الناس الي بتبرز عضلاتها او بتعملها تشريح لانه هيقدر يجيب بالدامبل او البار زوايا ف العضله ف اي جزء ف الجسم ممكن الجهاز ميعرفش يجيبها.

والجهاز اصلا هو عباره عن تمرين عملوله update وبقي جهاز ، زي جهاز ال leg press هو اسكوات ف الاساس وكذلك باقي الاجهزه لو دورنا علي اصلها هنلاقيها تمارين حره بس اتحددت بجهاز.

بنسبه للفرق بين البار والدامبل برضه نفس الفكره .

البار مداه الحركي ضيق برضه لنفترض اننا بنلعب chest press  مجرد م البار يوصل لصدرك خلاص كده الحركه خلصت ، عكس الدامبل ، وبرضه االبار انا الي بتحكم ف اوزانه زي مانا عايز بناء علي وزن التارات الي بحطها .

ف الدمبل بذات لازم لما تكون شايل وزن تكون عارف انك قده وايدك مش هتروح يمين او شمال بعيدا عن مدي المفصل عشان ميحصلش حاجه ف المفاصل 

والدمبل من مميزاته مداه الحركي الواسع ، الي تقريبا تقدر تعمل بيه اي تمرين لاي حاجه ف الدنيا .