قبل م تفكر تعتمد علي المكملات في كام حاجه كده لازم نحطهم ف دماغنا .
اول حاجه :
الجانب العضوي ، الي هو سواء عايز اضخم او انشف او اخس او ايا كان هدفي المفروض اعمل تحاليل اطمن بيها علي نفسي لو انا بزيد بصعوبه او بخس ببطئ المفروض نعمل تحاليل غده درقيه ، ونعمل تحاليل ديدان وانيميا ، المفروض اشوف لو بعاني من اي امراض او اي اصابات وايه اساليب التمرين والاكل المظبوط معاها .
تاني حاجه :
اتطمنت علي نفسي خلاص ؟ ابص لل life style بتاعي .
في ناس كتير رفيعه ، عشان هي عندها سوء تغذيه مش عشان معدل حرقها عالي ولا حاجه زي ما بيتقالنا ، في ناس تخينه عشان بتاكل كتير جدا وعندها عادات غلط وقله حركه وشغلها علي مكتب وعمرها ما لعبت رياضه ف حياتها ، ف قبل م اعتمد علي مكمل اظبط انا اسلوب حياتي وطريقه اكلي .
تالت واهم حاجه :
لازم افهم ان في جانب وراثي انا مقدرش اتحكم فيه ، وهي الچينات ، يعني دايما بتعرض لموقف ان بنت توريني صوره وتقولي عايزه ابقي شبه دي ، او واحد يوريني صوره لحد زي البيج رامي ويقولي عايز ابقي شبه ده
لازم نعرف ان كل حد فينا عنده چينات مختلفه عن التاني وبتميزه .
يعني في ناس بتوصل لدرجه ضخامه عاليه اوي بس للاسف مبتعرفش توصل لدرجه تنشيف perfect , كذلك في ناس ف التنشيف قويه جدا بس ليها حدود ف ال bulk مش بتعرف تعديها مهما عملت مجهود .
ف لازم افهم ان چيناتي هي الي متحكمه ف شكلي وان مدام بتمرن وباكل كويس وماشي سليم وشكل جسمي خلاص رسم ودهوني قلت يبقي احب شكل جسمي واعرف ان ده انا واني مميز عن غيري .
وبالتوفيق 💜💜
ليست هناك تعليقات:
إرسال تعليق