🔰 ثبات الوزن , انا بشم الاكل بتخن! مين ممرش بالظاهرتين دول
ظاهرة مهمه لازم نمر بيها ف رحلة الدايت ليه بتحصل؟
🔺 بيحصل حاجه اسمها metabolic adaptation
الجسم ذكي جدا بيعرف يتكيف ، بيفهم كويس ايه الي داخل ، لو فضلت ع دايت مدة طويله بيبتدي يتعود ف يبتدي يحرق نفس الي بيدخل وهكذا حلقة مغلقة
🔺 مش بس كده ، الموضوع بيتسرع اكتر كمان لو ماشي ع دايت مش صحي وقاسي بيدخلك عدد سعرات قليل جدا الجسم هيتعود عليهم ف حرقك هيقل جدا ومن هنا هتيجي حتت انك بتتخن لما تشم الاكل!
🔰 غير كمان ان مستويات هرمون اللبتين والجريلين بتختل وده بيخلي في فرط جوع وشهيه مفتوحه
🔰 هنا بيجي دور حاجه اسمها diet break وده مش معناه انك تاخد فري ولا تلغبط شهر مثلا وتزيد الي نزلته تاني وبعدين ترجع من الاول
🔺 الدايت بريك بيكون عن طريق زيادة عدد السعرات الي دخلالك لحد سعرات الثبات وف بعض الحالات بتكون اكتر ، بتكون الزياده اغلبها من الكربوهيدرات
🔰 بنحتاج نعمل دايت بريك كل قد ايه؟
كل 8 ل 12 اسبوع وانا افضل كل 12 اسبوع ومدته تكون من اسبوع لاسبوعين حسب كميه العجز
وده مختلف عن الريفيد
ليست هناك تعليقات:
إرسال تعليق