➰ اكل ايه قبل وبعد التمرين ➰
الموضوع ده اتهرس كتير جدا ، بس انا هكتب الخلاصه منه سواء كان هدفك تضخيم او تنشيف .
❇️ هبتدي بالناس الي عايزه تضخم :
🔰لازم الاول اعرف نسبه دهوني هل انا نسبه دهوني كويسه محتاج ازيد عضلات ؟
ولا انا اصلا محتاج ازيد عضل ودهون مع بعض
🔴 ك بدايه لازم افهم ان وجبه قبل التمرين او كما يقال Pre-workout , لازم تكون فيها بعض العناصر الي جسمي هيحتاجها عشان المجهود الي داخل عليه .
〽️ عنصر الكارب ك مثال واقصد بيه الكارب المعقد او النشويات زي البطاطس والبطاطا والمكرونه والرز ..الخ
ان وجبه قبل التمرين يبقي فيها العنصر ده حاجه مهمه جدا جدا جدا عشان نملي مخازن الجليكوچين الي الجسم بيحتاجها اثناء التمرين ف يمدنا بالطاقه اللازمه .
〽️ الابحاث اثبتت كمان ان الكافيين ليه مفعول حلو جدا ك Pre-workout
〽️ في ناس بتاخد supplement زي ال C4 او الارجنين ، انا مش بقلل منهم خالص ، بس انا استخدمتهم ومشوفتش فعاليه زي الي انا كتباه فوق ده .
〽️في ناس بتاخد BCAA طبعا مش محتاجه اقول ان ملهوش لزمه وهبقي انزل عنه مقال لوحده وانا بحثت عنه كتير اوي يعني بس حقيقي برضه جربته ومعمليش حاجه .
〽️ الابحاث اثببتت ان ثمره الموز 🍌 فيها كارب والياف مفيده جدا .
🔰 وجبه بعد التمرين :
بلاقي الشخص خلص تمرين وراح جري ياكل من غير م يغير هدومه ولا حاجه😂
🔴 اخر الابحاث اثبتت ان تاخير الوجبه بيأثر ف امتصاصها فقط واستفاده الجسم بيها بس ملهوش علاقه بان انا عايز اضخم لو ماكلتش بعد التمرين العضل هيتكسر 😂!! بسمع حجات غريبه والله😂
🔰 وجبه بعد التمرين لازم تكون وجبه متكامله بكافه العناصر الغذائية
يعني يكون فيها بروتين وكربوهيدرات وده ليه مصادر زي الخضار والنشويات ومننساش طبق السلطه وانا منزله ف البيدج مثال لوجبات بعد التمرين .
🔰 الناس الي عايزه تنشف او تخس :
كل الكلام الي مكتوب فوق ده بيتطبق عليكم بالحرف بس الاختلاف ف الكميات ، يعني وجبه ماقبل التمرين مهمه جدا ليكم .
🔴 الناس الي بتروح التمرين ع معده فاضيه ومبتاكلش بعد التمرين انتوا بتدخلوا جسمكم ف مجاعه واي حاجه هدخله هيخزنها وبتعملوا هدم للعضلات وهتلاقوا وقوع شعر وشحوب بشره ومش هيبقي في جهد تعملوا اي حاجه ومش هتتقدموا وهيبقي في ترهل وقصه كبيره اوي.
🔴 ابعدوا عن دايت الديتوكس وكل الهري ده مفيش افضل من ال Balanced diet .
🔴 تمارين الحديد او المقاومه مهمه جدا ليكوا زي الكارديو بالظبط .
🔰 اي استفسار ممكن تسيبوه ف الكومنتات او ف رسايل البيدچ.
🔰 اعملوا منشن لاي حد ممكن يستفاد من المقال💙💙👏
ليست هناك تعليقات:
إرسال تعليق