✨٥ خرافات عن الدايت والتمرين معظم لسة بتصدقوهم!
1️⃣لازم نعمل ديتوكس عشان نطهر الجسم من السموم
الصح: نرمي الكبد والكلي بقي؟ مفيش حاجة اسمها ان شوية ماية بخضار ينضفوا سموم الجسم ماحنا بناكل خضار وبنشرب مايه وبنسلق الخضار ف ماية كده جسمنا هيستفيد بيهم بس مفيش حاجه اسمها ان اما ننقع الخضار ف ماية انت كده بتطهر سموم
2️⃣الشرب وسط الاكل بيعمل كرش وبيخفف العصاره الهاضمة
الصح: الماية وسط الاكل بتساعد علي الهضم ومبتخففش العصارات الهاضمة لانها مبتفضلش ف المعدة كتير بتعدي علي طول وبيتم امتصاصها ف مش هتلحق ولنفترض ان ده هيحصل لازم تشرب كمية كبيرة جدا وده اصلا هيتعبك ومحدش بيعمله
3️⃣في تمارين لنحت الارداف والجناب
الصح: مفيش استهداف موضعي لاي دهون التمرين هيقوي العضلة مش هينزل الدهون المحيطة بيها
4️⃣في تمارين لتكوير عضلة الباي وتطويلها
الصح: مفيش حاجة اسمها انك تغير شكل عضلة لان شكل عضلة الباي راجع لطول وتر عضله الباي لو الوتر طويل عضلتك هتكون مكورة لو مش طويل عضلتك هتكون طويلة ومفيش تمرين ممكن يغير ده
5️⃣مش هتخس الا لو عملت دايت قاسي
الصح: الدايت القاسي هيخسرك وزن بسرعه لانه هيخسرك عضلات ومعادن مع الدهون خساره العضلات دي هتقلل حرقك بسرعه رهيبة وممكن تسبب ترهلات وطبعا هتعمل تشوش ف الجهاز الهرموني وهرمونات الجوع والشبع هتختل وده هيخليك ترجع تاكل بشراهة وممكن كمان يجيلك اضطرابات اكل
تقدر تخس ع دايت متوازن عادي
كنتوا مصدقين انهو خرافة؟
ليست هناك تعليقات:
إرسال تعليق