🔹 هل ممكن طولي يزيد لو لعبت عقلة؟
🔺 الإجابة هي لأ خلينا نعرف ليه؟
🔸 عندنا ف أخر كل عضمة طويلة حاجه اسمها growth plate ده زي غضروف موجود ف بدايه ونهاية كل عظمه طويله
🔹 الي بيحصل انه الغضروف ده لما بيتم افراز هرمون النمو وطبعا الاكل السليم وهكذا بيتحول جزء منه لعضم صلب وساعتها بيبقي اسمه closed growth plate
🔸 يعني لو اخدت هرمون حتي والغضروف ده اتحول بالكامل لعضم مستحيل عضمك يطول
🔹تمرين العقله او تمارين الضهر بشكل عام لما بنمارسها بتفرد العمود الفقري لانه بيكون ف وضع انحناء بسبب الممارسات الحياتية الخاطئه ف بيدي شكل اطول ، ومن هنا جات الخرافه دي
🔺 طب امتا الغضروف ده بيتحول بالكامل لعضم؟
🔹 لقيت اختلافات بين كتب كتير الحقيقه بس انا هذكر الي قريته ف كتب طبيه ف نهايه سن البلوغ بالنسبه للجنسين وده بيترواح شويه
البنات ممكن مابين 13-15
الولاد مابين 15 - 17
قريت ف كتب تانيه ان البنات لحد سن 18 والولاد لحد 21
🔸 مش هيفرق كتير المعدل المهم اننا نبقي عارفين ان منقدرش نأثر علي طولنا ونشيل الخرافه دي من دماغنا
🔺 انا ك مثال طولي وقف من وانا ف سن 13 سنه بالظبط كنت ف اعدادي ومطولتش من ساعتها 😂
ليست هناك تعليقات:
إرسال تعليق